სოციალური აგენტები ჯანდაცვის სამინისტროსთან აქციას მართავენ

გაფიცული სოციალური აგენტები ჯანდაცვის სამინისტროს შენობასთან საპროტესტო აქციას მართავენ.

სოციალური აგენტები ხელფასის 100%-ით გაზრდას ითხოვენ. გაფიცულების განცხადებით, სოციალური მომსახურების სააგენტოს დაპირება, თებერვლის თვიდან ანაზღაურების 40-60%-იანი გაზრდა, მათთვის მიუღებელია.

არასამთავრობო ორგანიზაციის "სოლიდარობის ქსელის" ინფორმაციით, გაფიცვა მთელი ქვეყნის მასშტაბით მიმდინარეობს და მასში სოციალური მომსახურების სააგენტოს ტერიტორიული ერთეულების თანამშრომლები მონაწილეობენ.

გუშინ სოციალური მომსახურების სააგენტომ განცხადება გაავრცელა, სადაც ნათქვამია, რომ სოციალური აგენტების და სხვა თანამშრომელების შრომის ანაზღაურება თებერვლიდან გაიზრდება.

უწყების ინფორმაციით, სოციალური აგენტების ფიქსირებული ანაზღაურება 60%-მდე იზრდება. კერძოდ, 250 ლარის ნაცვლად 400 ლარი გახდება, უფრო სოციალური აგენტების ანაზღაურება 550 ლარის ნაცვლად 700 ლარი გახდება. ასევე, ერთ შევსებულ დეკლარაციაზე სოციალური აგენტების 6-ის ნაცვლად 10 ლარს მიიღებენ.