ღვინის ხარისხზე კონტროლი გამკაცრებულია

2015 წლის 28 სექტემბრის მონაცემებით, საქართველოდან ექსპორტირებულია 23,3 მლნ (0,75 ლ) ბოთლი ღვინო. აქედენ, მხოლოდ სექტემბრში ექსპორტზე გავიდა 3,5 მლნ ბოთლი, რაც მიმდინარე წლის ყველაზე მაღალი ყოველთვიური მაჩვენებელია. ქართული ღვინის ექსპორტი 2015 წლის დასაწყისთან შედარებით 3-ჯერ გაიზარდა.

სოფლის მეურნეობის მინისტრის ოთარ დანელიას განმარტებით, ექსპორტიორი ქვეყნების ძირითადი ხუთეულია: რუსეთი 12,1 მლნ ბოთლი, ყაზახეთი 3,4 მლნ ბოთლი, უკრაინა 1,9 მლნ ბოთლი, ჩინეთი 1,4 მლნ ბოთლი, პოლონეთი 1,1 მლნ ბოთლი.

ოთარ დანელიამ საქართველოს ბაზარზე საბრენდე სპირტის განსაკუთრებულ კონტროლზე და ღვინის ბაზრის ფალსიფიკაციისგან დაცვაზეც ისაუბრა. 2015 წლის იანვრიდან ღვინოზე კონტროლი გამკაცრებულია. სურსათის ეროვნული სააგენტო მთელი ქვეყნის მასშტაბით ახორციელებს ფართომასშტაბიან შემოწმებას.

სოფლის მეურნეობის სამინისტროსთვის პრიორიტეტულ მიმართულებად რჩება ღვინის ბაზრის ფალსიფიკაციისგან დაცვა, რაც ხელს შეუწყობს ადგილობრივი ხარისხიანი ღვინის პოპულარიზაციას და წახალისებას.

დედაქალაქსა და საქართველოს რეგიონებში აღებულია 343 ნიმუში. 17-მდე საეჭვო შემთხვვაში მოკვლევისთვის შესაბამის სამსახურებს გადაეცა.