უკრაინაში ომი, შესაძლოა, რამდენიმე წელს გაგრძელდეს - გენერალი მარკ მილი

აშშ-ის შეიარაღებული ძალების შტაბების უფროსთა კომიტეტის თავმჯდომარე, გენერალი მარკ მილი აცხადებს, რომ უკრაინაში ომი შესაძლოა, რამდენიმე წელს გაგრძელდეს. მისი თქმით, ზე სახელმწიფოებს შორის საერთშორისო კონფლიქტის პოტენციალი იზრდება.

რუსეთის შეიარაღებული ძალების შეჭრა უკრაინას „წარმოადგენს მშვიდობისა და ევროპის, შესაძლოა, მთელი მსოფლიოსთვის ყველაზე დიდ საფრთხეს აშშ-ის შეიარაღებულ ძალებში მთელი ჩემი 42-წლიანი კარიერის განმავლობაში,“ - განაცხადა გენერალმა მილიმ.

მილიმ აღნიშნა, რინ რუსეთი „ინარჩუნებს დიდ და მრავალფეროვან ბირთვულ შესაძლებლობებს, რათა საფრთხე შეუქმნას აშშ-ს“ და მის მოკავშირეებს.

ამის გარდა, მილის განცხადებით, უკრაინაში რუსეთის შეჭრამ შექმნა „საშიში ისტორიული გარდატეხის მომენტი“.

გენერალ მილის თქმით, არასწორი იქნება უკრაინაში ომის სწრაფად დასრულების მოლოდინი.

„მიმაჩნია, რომ ეს არის გაჭიანურებული კონფლიქტი, რომელიც წლების განმავლობაში უნდა გაიზომოს. არ ვიცი, ათწლეულები თუ არა, თუმცა რამდენიმე წელი ნამდვილად. ვფიქრობ, რომ აშშ, ნატო, უკრაინა და ყველა მოკავშირე და პარტნიორები, რომლებიც უკრაინას მხარს უჭერენ, ამაში დიდხანს იქნებიან ჩართულნი,“ - თქვა მან.