იტალია 17 აპრილიდან რუსული ხომალდებისთვის პორტებს ხურავს

იტალია ევროკავშირის მიერ დაწესებული სანქციების ფარგლებში 17 აპრილიდან რუსული ხომალდებისთვის პორტებს ხურავს.

ინფორმაციას უკრაინული მედია ტელეარხ TGcom24-ზე დაყრდნობით ავრცელებს.

იტალიის პორტების ადმინისტრაციამ მოამზადა დიკუმენტი, რომლის თანახმად, 17 აპრილიდან რუსული ხომალდებისთვის პორტები დაიხურება, აკრძალვა გავრცელდება იმ ხომალდებზეც, რომლებმაც დროშები 24 თებერვლის შემდეგ შეცვალეს.

გადაწყვეტილება მომზადებულია ევროკავშირის 8 აპრილის დირექტივის შესაბამისად, რომლის თანახმად, რუსეთის წინააღმდეგ დამატებითი სანქციები დაწესდა.

ხომალდებმა, რომლებიც ამ დროისათვის იტალიის პორტებში იმყოფებიან, დაუყოვნებლივ უნდა გავიდნენ „კომერციული საქმიანობის დამთავრებისთანავე“.

გამონაკლისი იქნება იმ ხომალდებისთვის, რომლებსაც ავარიული პრობლემების აღმოსაფხვრელად დროებით გაჩერება სჭირდებათ.