საზოგადოებრივი მაუწყებელი ევროვიზიის სიმღერის კონკურსზე ეროვნული ჟიურის ქულებთან დაკავშირებით განცხადებას ავრცელებს

საზოგადოებრივი მაუწყებელი ევროვიზიის სიმღერის კონკურსზე ეროვნული ჟიურის ქულებთან დაკავშირებით განცხადებას ავრცელებს.

"ევროვიზიის სიმღერის კონკურსზე საქართველოდან ეროვნულმა ჟიურიმ ყველაზე მაღალი შეფასება – პირველი ადგილი უკრაინას მისცა, რაც 12 ქულას ნიშნავს. ამას მოწმობს ნოტარიულად დამოწმებული დოკუმენტი, რომელიც გადაეგზავნა ევროვიზიის სიმღერის კონკურსის ორგანიზატორებს.

საზოგადოებრივი მაუწყებელი ამ საკითხთან დაკავშირებით ევროვიზიის კონკურსის ორგანიზატორებთან დეტალებს არკვევს.

საზოგადოებრივი მაუწყებელი კიდევ ერთხელ ულოცავს უკრაინას დამსახურებულ გამარჯვებას", - ნათქვამია საზოგადოებრივი მაუწყებლის განცხადებაში.

ევროვიზია 2022-ის გამარჯვებული ქვეყანა უკრაინა გახდა. ეროვნული ჟიურის კენჭისყრის დროს საქართველომ უკრაინას 6 ქულა მიანიჭა, თუმცა როგორც საზოგადოებრივი მაუწყებელი აცხადებს,  ეროვნულმა ჟიურიმ საქართველოდან უკრაინას უმაღლესი შეფასება, 12 ქულა მისცა.

აღსანიშნავია, რომ ქართველი მაყურებლისგან უკრაინამ უმაღლესი, 12 ქულა დაიმსახურა.