გავაგრძელებთ მტკიცედ დგომას დამოუკიდებელი მედიის გვერდით, იქნება ეს საქართველოში თუ სხვაგან - ნედ პრაისი

ჩვენ გავაგრძელებთ მტკიცედ დგომას დამოუკიდებელი მედიის გვერდით, იქნება ეს საქართველოში თუ სხვაგან, - ამის შესახებ ამის შესახებ აშშ-ის სახელმწიფო დეპარტამენტის წარმომადგენელმა, ნედ პრაისმა ბრიფინგზე "მთავარი არხის" დირექტორის ნიკა გვარამიას დაპატიმრებასთან დაკავშირებით დასმული შეკითხვის პასუხად განაცხადა.

მისივე თქმით, აშშ გააგრძელებს ქართველ ხალხთან პარტნიორობას დემოკრატიულ, წარმატებულ, მშვიდობიან და ევროატლანტიკურ მომავალზე ორიენტირებულ მისწრაფებებში.

„ჩვენ ძალიან მკაფიო და გულწრფელი ვართ ქართველ პარტნიორებთან დემოკრატიის საყრდენების გაძლიერების განგრძობად საჭიროებებზე საუბრისას, რისი ნახვაც გვინდა საქართველოში და მსოფლიოში. ეს მოიცავს დემოკრატიულ ინსტიტუტებსა და ასევე კანონის უზენაესობას. ჩვენ გავაგრძელებთ ქართველ ხალხთან პარტნიორობას დემოკრატიულ, წარმატებულ, მშვიდობიან და ევროატლანტიკურ მომავალზე ორიენტირებულ მისწრაფებებში.

რაც შეეხება მედიის თავისუფლებას, თქვენ ჩვენგან გამუდმებით გესმით საუბარი თავისუფალი და დამოუკიდებელი მედიის როლის შეუცვლელობაზე მსოფლიოში. რამდენიმე დღის წინ სახელმწიფო მდივანმა ენტონი ბლინკენმა ისაუბრა თავისუფალი და დამოუკიდებელი მედიის საჭიროებაზე. აღნიშნა, რომ გასული წლების განმავლობაში უამრავი ჟურნალისტი გახდა დაშინებისა და ჩაგვრის მსხვერპლი, მათი მუშაობა ჩაახშეს და უამრავი მათგანი ტრაგიკულად იქნა მოკლული მათი მოვალეობის შესრულების დროს და მათი მოვალეობა სიმართლის თქმაზე მეტი არაფერია და ისინი არაფერს იყენებენ გარდა კალმისა და კლავიატურისა. ჩვენ გავაგრძელებთ მტკიცედ დგომას დამოუკიდებელი მედიის გვერდით, იქნება ეს საქართველოში თუ სხვაგან“, – განაცხადა ნედ პრაისმა.