ყველასთვის ნათელია, რომ საქართველოს ევროინტეგრაციის მთავარი შემაფერხებელი "ქართული ოცნებაა" - გიგი წერეთელი

"მთავარი შემაფერხებელი ამ გზაზე არის საქართველოს დღევანდელი ხელისუფლება, მისი პოლიტიკა, განსაკუთრებით ეს ეხება პოლიტიკურ მართლმსაჯულებას.“ - ასე ეხმაურება "ევროპული საქართველოს" პოლიტსაბჭოს თავმჯდომარე, გიგი წერეთელი ევროპარლამენტში წარმართულ განხილვას.

"ევროპარლამენტში განხილვა იყო ძალიან მძიმე მოსასმენი, ასეთი კრიტიკული გამოსვლები ევროინტეგრაციის ასეთ კრიტიკულ მომენტში, თუმცა ასევე მნიშვნელოვანია, რომ ჩვენ დავრწმუნდით, საქართველოს საზოგადოება დარწმუნდა, რომ ძალიან ბევრი მეგობარი ჰყავს ჩვენს ქვეყანას და იმ გზას, რომელიც გვინდა რომ გავიაროთ ევროპისკენ აქვს მხარდაჭერა. ამავე დროს, ასევე დარწმუნებული ვარ, ყველასთვის ნათელია, რომ მთავარი შემაფერხებელი ამ გზაზე არის საქართველოს დღევანდელი ხელისუფლება, მისი პოლიტიკა, განსაკუთრებით ეს ეხება პოლიტიკურ მართლმსაჯულებას და აქ ნათელი მაგალითები იყო, ყველაზე მწვავე ნიკა გვარამიასა და მესამე პრეზიდენტის პატიმრობა, ზოგადად ის ძალადობა, პოლარიზაცია, მედიაზე ზეწოლა, დევნა და ა.შ, რაც აბსოლუტურად შეუთავსებელია ევროპულ ღირებულებებთან", - თქვა გიგი წერეთელმა.