დილით შემოვევლებით ქაჯეთის ციხეს და მჯდომარე პროტესტით, მშვიდობიანად დავხვდებით ღარიბაშვილს

დილით შემოვევლებით ქაჯეთის ციხეს და მჯდომარე პროტესტით, მშვიდობიანად დავხვდებით ღარიბაშვილს - შოთა დიღმელაშვილი

საქართველო, თბილისი - 23:14 | 03.07.2022

ნანახია: 365

დილით ჩვენ ყველანი წავალთ ძალიან მშვიდობიანად, შემოვევლებით ქაჯეთის ციხეს და მჯდომარე პროტესტით, მშვიდობიანად დავხვდებით მთავრობას, - "შინ ევროპაში" აქციის ერთ-ერთმა ორგანიზატორმა, შოთა დიღმელაშვილმა.

"ჩვენ ვთქვით, რომ თუ ხელისუფლება არ ასრულებს ჩვენს დაყენებულ პირობას, ჩვენ 3 ივლისამდე გვქონდა ულტიმატუმი დაყენებული. რაღაც ისეთი გრძნობა გვეუფლება, რომ ისინი კომფორტში არიან - ჩვენ აქ ვიკრიბებით და რამდენიც არ უნდა შევიკრიბოთ, მათთვის არაფერი იცვლება.

ამიტომ დილით ჩვენ ყველანი წავალთ ძალიან მშვიდობიანად, შემოვევლებით ქაჯეთის ციხეს და მჯდომარე პროტესტით, მშვიდობიანად დავხვდებით მთავრობას, დავხვდებით ღარიბაშვილს და შევასმენთ ჩვენს ხმას, რადგან აქედან აქედან არ ესმით... მივალთ დილით და ავუხსნით იმას, რაც აქედან ვერ ავუხსენით, ჩაგვხედოს თვალებში და გვითხრას, რატომ მიჰყავს ქვეყანა რუსეთისკენ", - თქვა დიღმელაშვილმა.

აქციის მონაწილეთა ნაწილიმა პარტია "ქართული ოცნების" ოფისისკენ გადაინაცვლა, სადაც აქციას მართავს.

რუსთაველის გამზირზე აქცია კი დოკუმენტური ფილმის ჩვენებით გრძელდება.