27 სექტემბერს, თბილისში საქართველოს და უკრაინის ტერიტორიული მთლიანობის და თავისუფლების დასაცავად მსვლელობა გაიმართება

27 სექტემბერს, თბილისში საქართველოს და უკრაინის ტერიტორიული მთლიანობის და თავისუფლების დასაცავად მსვლელობა გაიმართება.

როგორც ორგანიზატორები აღნიშნავენ, მსვლელობა რუსთაველის ძეგლიდან დაიწყება და პარლამენტთან პროგრამით დასრულდება.

"27 სექტემბერს სოხუმი დაეცა. 29 წლის წინ რუსეთმა საქართველოს - აფხაზეთი, ათასობით ქართველს კი, სიცოცხლე წაართვა. გენოციდს გამოქცეული ასიათასობით ადამიანი ისევ დევნილია და სახლში ვერ მიდის.

დღეს, უკრაინელების თავგანწირვამ შექმნა ისტორიული შანსი, რომ რუსეთი დამარცხდეს და პოლიტიკურად შეუძლებელი, პოლიტიკურად გარდაუვლად იქცეს - ქართველები შინ დავბრუნდეთ.

ღონისძიების ორგანიზატორები არიან: „ევროპული საქართველო“, „ტაბულა“, აფხაზთა კრება, ამომრჩეველთა განათლების საზოგადოება, თავისუფლების ინსტიტუტი, უკრაინელი აქტივისტები საქართველოში“.

"პოლიტიკა შეუძლებლის გარდაუვლად ქცევის ხელოვნებაა, ჩვენ ყველა ვხედავთ, რა შეუძლია უკრაინელი ხალხის თავგანწირვას. მაშინ, როდესაც ყველა ვარაუდობდა, რომ კიევი სამ დღეში დაეცემოდა, დღეს უკრაინა ტერიტორიებს იბრუნებს და რუსები გარბიან.

ამ დროს ჩვენ გვყავს რეჟიმი, რომელმაც გუშინ თავისი მსახურის პირით რეალურად აფხაზეთი და ცხონვალის რეგიონი სუვერენულ უკრაინას შეადარა და ამით საქართველოს ტერიტორიული მთლიანობა უარყო.

ჩვენ 27 სექტემბერს, სოხუმის დაცემის დღეს შევიკრიბებით რუსთაველის ძეგლთან და მსვლელობას დავასრულებთ აქციით პარლამენტის წინ, სადაც დავუჭერთ მხარს საქართველოს და უკრაინის ტერიტორულ მთლიანობას და ვიტყვით კიდევ ერთხელ იმას, რომ ქართველებს აქვთ შანსი, თავიანთ სახლებში დაბრუნდნენ, ოღონდ ქართველების დაბრუნების გზა გადის ამ რეჟიმის ამოძირკვაზე" - განაცხადა თამარ ჩერგოლეიშვილმა.

„საქართველოს, ჩვენს ეროვნულ ინტერესებს, მომავალს, თავისუფალ სამყაროში დაბრუნებას, ქვეყნის გამთლიანებას დღეს ჰყავს ორი მტერი, ერთი არის გარე მტერი, რუსეთი, რომელიც მთელი თავისუფალი სამყაროს საფრთხეა, რომელმაც აფხაზეთის ომის დროს გენოციდი მოგვიწყო 90იანი წლების დასაწყისში, რომელიც თავს დაგვესხა 2008 წელს, რომელიც დღესაც ცდილობს ჩვენი სახელმწიფროობიობის მოსპობას და

ჩვენ სამწუხაროდ გვყავს ადგილობრივი მტერი ივანიშვილის რეჟიმი, რომელიც ყოველდღე კიდევ უფრო მკაფიოდ აჩენს ყველას დასანახად თავის რეალურ ბუნებას, პუტინისტურ-კოლაბორაციონისტულ ბუნებას, რომელიც მზად არის ერთი კაცის ფულს და ძალაუფლებას შესწიროს ჩვენი ქვეყნის მომავალი. კობახიძის ბოლო განცხადება, სადაც მან პრაქტიკულად რუსეთის აგრესია უკრაინაში და საქართველოს მიერ ტერიტორიული მთლიანობის დაცვა, ამის კიდევ ერთი უტიფარი, შეურაცხმყოფელი მტკიცებულებაა.

ჩვენ, ევროპული საქართველო თანამოაზრე ორგანიზაციებთან ერთად ვაპირებთ საქართველოს უახლეს ისტორიაში ერთ-ერთ ყველაზე მძიმე დღეს. სოხუმის დაცემის დღეს, გავმართოთ ეს ღონისძიება, მსვლელობა და შემდეგ პარლამენტთან პროგრამა.

ჩვენი ამოცანაა, რომ საქართველოს ყველა მოქალაქემ გავიაზროთ ხელახლა რამხელა ბოროტება და საფრთხეა რუსეთი, რომელმაც როდესაც ჩვენ მარტო ვიყავით დასავლეთის ყოველგვარი დახმარებისა და მონაწილეობის გარეშე, არც ნატოსა და ევროკავშირის საკითხი იდგა, როცა რუსეთი ყველაზე სუსტი იყო ალბათ უახლესს ისტორიაში, მაშინაც კი რა დღეში ჩააგდო საქართველო, როგორი გენოციდი მოგვიწყო და რამხელა საფრთხეა.

ის, რასაც ივანიშვილის რეჟიმი დღეს აკეთებს საკუთარი ინტერესების დასაცავად, უნდა რომ მარტო დაგვტოვოს ამხელა ბოროტების წინაშე და თუ ჩვენ ახლა შევძლებთ ჩვენი ეროვნული ინტერესის დაცვას ჩვენი ქვეყნის შიგნით ამ რეჟიმის მშვიდობიანი შეცვლითა და პროდასავლური, ლიბერალურ-დემოკრატიული ხელისუფლების არჩევით ჩვენ გამოვიყენებთ იმ ისტორიულ შანსს, რასაც ქვია საქართველოს გამთლიანება, ქართველების საკუთარ სახლებში დაბრუნება, აფაზეთსა და ცხინვალის რეგიონში და ჩვენი თავისუფლების მყარად დაცვა საბოლოოდ თავისუფალ სამყაროს ნაწილად, ნატოსა და ევროკავშირის ნაწილად.“ - განაცხადა გიგა ბოკერიამ
„ჩვენ ვანახლებთ ჩვენს კამპანიას „ბუჩამდე იყო აფხაზეთი“ - იმოქმედე გენოციდის აღიარებისთვის. ამაზე მუშაობა მიმდინარეობდა ყოველდღიურად, თუმცა საჯარო აქციები არ იყო, ახლა ისევ ვანახლებთ მსგავს ღონისძიებებს. ჩვენს მიერ დაგეგმილ ღონისძიებაზე იქნება მსვლელობა რუსთაველის გამზირისკენ და რუსეთის წინააღმდეგ ომში გმირულად დაღუპული ქართველი და უკრაინელი ჯარისკაცების ხსოვნას მოვიხსენიებთ“ - განაცხადა მალხაზ პატარაიამ.