პუტინმა უკრაინაში სრულმასშტაბიანი შეჭრა სამჯერ გადადო - უკრაინის დაზვერვა

უკრაინის თავდაცვის სამინისტროს დაზვერვის სამმართველოს ხემძღვანელის მოადგილემ ვადიმ სკიბიცკიმ Bild-თან ინტერვიუში განაცხადა, რომ  რუსეთის პრეზიდენტმა ვლადიმირ პუტინმა უკრაინაში სრულმასშტაბიანი შეჭრა სამჯერ გადადო, მისივე თქმით, თავდასხმის ინიციატორი ფე-ეს-ბე იყო.

 „ჩვენი ინფორმაციით, თავდასხმა სამჯერ გადადეს, ბოლოს თებერვლის შუა რიცხვებში“, - აღნიშნა სკიბიცკიმ.

მისი თქმით, პუტინი უკრაინაში შეჭრის იდეას ხშირად განიხილავდა რუსეთის გენშტაბის უფროს ვალერი გერასიმოვთან და თავდაცვის მინისტრ სერგეი შოიგუსთან ერთად, თუმცა უკრაინაში შეჭრას ფე-ეს-ბე მოითხოვდა.

 „ისინი {ფე-ეს-ბეს წარმომადგენლები} დარწმუნებულები იყვნენ, რომ შეჭრისთვის საკმარისად იყვნენ მომზადებულები. მათ ჩადეს უზარმაზრი რესურსი და გერასიმოვს იერიშისკენ უბიძგეს“, - განაცხადა სკიბიცკიმ.  

„ის ფაქტი, რომ რუსეთის ჯარის ნაწილები   სამი დღით {კიევის აღების ვადა} უზრუნველყოფილნი იყვნენ სურსათით, საბრძოლო იარაღითა და საწვავით, აჩვენებს, თუ რა ძალიან ცუდად გამოთვალეს {ეს დრო}

ყველა პირველი {სამხედრო} მიზანი ჩავარდა, მათ ვერ შეძლეს კიევის ალყაში მოქცევა, ვერ აიღეს სუმი, ჩერნიჰივი და ხარკივი“, - განაცხადა სკიბიცკიმ.