ხვალ, თელავში „ძველი ბაღის“ ტერიტორიაზე ღვინის ფესტივალი „თელავინო 2015“ გაიმართება

საქართველო, თბილისი - 11:24 | 03.10.2015

ნანახია: 2225

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით 4 ოქტომბერს, თელავში „ძველი ბაღის“ ტერიტორიაზე ღვინის ფესტივალი „თელავინო 2015“გაიმართება.

ფესტივალი, ქართული ღვინის დღეს ტარდება და

წარმოდგენილი იქნება დიდი და მცირე მარნების მიერ წარმოებული ქვევრის 100-მდე სხვადასხვა ტიპის, ფერისა და ასაკის

ღვინო, ჭაჭა, სხვა სასმელები და ქართული ტრადიციული კერძები.

„თელავინოს“ სტუმრებს ეძლევათ უნიკალური საშუალება დააგემოვნონ საუკეთესო ქართული ღვინო . ფესტივალზე წარმოდგენილი იქნება თემატური ნამუშევრები (ფოტო, მხატვრული, მინა, კერამიკა, ტექსტილი) ასევე გაიმართება გამოფენა-გაყიდვა. ღონისძიების ფარგლებში წარმოდგენილი იქნება ეროვნული ფოლკლორი. (ცეკვა, სიმღერა)

ფესტივალი „კახეთის მეღვინეთა გილდიისა“ და ღვინის ეროვნული სააგენტოს მხარდაჭერით იმართება.

ღვინის ფესტივალი „თელავინო 2015“

პროგრამა

13:00-13:30

ფესტივალ „თელავინო“-2015-ის საზეიმო გახსნა;

კახეთის გუბერნატორის ირაკლი შიოლაშვილისა და თელავის მერის პლატონ

კალმახელიძის მისასალმებელი სიტყვა, ქართული ღვინის დღის მილოცვა

საზოგადოებისთვის. პირდაპირი ჩართვა თელავიდან;

13:00 – 17:00

100-მდე სხვადასხვა ტიპის, ფერისა და ასაკის ღვინის დეგუსტაცია, გამოფენა-გაყიდვა

ექსკლუზიურ ფასად; ქართული ტრადიციული კერძების დაგემოვნება;

თელაველი მხატვრებისა და ქართული რეწვის ნამუშევრების ექსპოზიცია;