ოქსფამი სამწუთიანი ვიდეო-გაკვეთილების დაჯილდოების ცერემონიას მასპინძლობს

23 მაისს ოქსფამის  წარმომადგენლობა საქართველოში, სამწუთიანი ვიდეო-გაკვეთილების დაჯილდოების ცერემონიას მასპინძლობს. აღნიშნულ ღონისძიებაზე გამოვლინდება და პრიზებით დაჯილდოვდება სამი გამარჯვებული მოზარდი. 

დაჯილდოების ცერემონია ილიას სახელწიფო უნივერსიტეტში გაიმართება.

დაჯილდოების ცერემონიამდე ოქსფამის საქართველოს წარმომდგენლობა გაასაჯაროვებს პირველი ეროვნული ნუტრიციის კვლევის  შედეგებს. კვლევის მიზანი იყო საქართველოს მოსახლეობის   დივერსიფიცირებულ სურსათზე ხელმისაწვდომობის და  მოხმარების შეფასება და ასევე,   ნუტრიციული  ცოდნის  დონისა  და კვებასთან დაკავშირებული ქცევითი ფაქტორების გამოვლენა.   

შეგახსენებთ, რომ ოქსფამის საქართველოს წარმომადგენლობამ აპრილში გამოაცხადა სამწუთიანი ვიდეო-გაკვეთილების კონკურსი თემაზე „ჯანსაღი საგზალი სკოლისთვის. კონკურსის პირობების თანახმად, 13-დან 18 წლამდე მოზარდებს  თავად უნდა მოემზადებინათ საკუთარი საგზალი (ლანჩ ბოქსი)  ჯანსაღი და ყველასათვის ხელმისაწვდომი ინგრედიენტების გამოყენებით და  ესაუბრათ გამოყენებული პროდუქტების თვისებებზე, თუ რატომ თვლიან, რომ ეს კონკრეტული საგზალი არის ჯანსაღი.   სულ შემოვიდა 75 საკონკურსო ნამუშევარი, რომელთა  62 ავტორი საქართველოს რეგიონების მკვიდრია.  კონკურსის  მიზანი იყო დაბალანსებული კვების შესახებ ცნობიერების ამაღლება და ჯანსაღი კვების უნარ-ჩვევების  გამომუშავების ხელშეწყობა მოზარდებში.

გამარჯვებულებს დააჯილდოებს კონკურსის ჟიურის წევრები, რომელიც დაკომპლექტებულია საქართველოს სოფლის მეურნეობის, ჯანმრთელობისა და სოციალური დაცვის სამინისტროს, გაეროს ბავშვთა ფონდისა და დაავადებათა კონტროლის ცენტრის წარმომადგენლებისგან.