გიორგი მარგველაშვილი: თუ არჩევნებში მონაწილეობით არ აიღებ სახელმწიფოზე პასუხისმგებლობას, შენ დაკარგავ თავისუფლებას

საქართველოს პრეზიდენტმა გიორგი მარგველაშვილმა დღეს თბილისის სახელმწიფო უნივერსიტეტში საქართველოს პირველი პრეზიდენტის ზვიად გამსახურდიას სახელობის აუდიტორია გახსნა დასაჯარო ლექცია წაიკითხა.

საჯარო ლექციაზე „დამოუკიდებლობიდან თავისუფლებისაკენ" გიორგი მარგველაშვილმა ქვეყნის 25 წლიანი დამოუკიდებლობის განმავლობაში საზოგადოების წინაშე მდგარ ამოცანებზე,პოლიტიკურ პროცესებში თითოეული მოქალაქის ჩართულობაზე და დაგეგმილ საპარლამენტო არჩევნებზე ისაუბრა.

როგორც გიორგი მარგველაშვილმა სტუდენტებთან საუბრისას განაცხადა, დღეს ყველაზე მნიშვნელოვანი პრობლემაა ის, რომ საზოგადოების დიდი ნაწილი ფიქრობს, რომ არ წავა არჩევნებზე და არმიიღებს ამ პროცესში მონაწილეობას.

„ერთერთი მთავარი ნაბიჯი, რომელიც ჩვენმა საზოგადოებამ უნდა გადადგას საზოგადოებრივი ინსტიტუტებისა და პოლიტიკური ინსტიტუტების ფორმირებაა.

ამ პროცესის ერთერთი ყველაზე მნიშვნელოვანი შემადგენელი, პოლიტიკური სისტემის მმართველობის ფორმირებაა.

ამ თვალსაზრისით, უმნიშვნელოვანესია შემოდგომაზე დაგეგმილი საპარლამენტო არჩევნები. ეს არჩევნები არ არის უბრალოდ არჩევნები პოლიტიკოსებს შორის, ეს არჩევნები არის არჩევნები ჩვენითავისუფლებისათვის. 

ჩვენ უნდა დავინახოთ, ვის ვაძლევთ ხელში მართვის ბერკეტებს. დავავალოთ მათ - როგორ მართონ და პასუხი მოვთხოვოთ - როგორ მართავენ სისტემას.

სამწუხაროდ, ჩვენი საზოგადოების დიდი ნაწილი ამბობს, რომ არ წავლენ არჩევნებზე, ან მათ არ აქვთ გადაწყვეტილი ვის მისცენ ხმა, ან,  მათ არ აინტერესებთ პოლიტიკა. ეს არის ერთერთიმთავარი პრობლემა ჩემთვის.

მოქალაქის პასუხისმგებლობა, გარდა იმ ვალდებულებებისა, რომ დაიცვას კანონი, არის დემოკრატიულ საზოგადოებაში პოლიტიკური სისტემის ფორმირება.

ვერ იქნები დამოუკიდებელ, თავისუფალ ქვეყანაში თავისუფალი მოქალაქე, თუ არ აიღებ სახელმწიფოზე პასუხისმგებლობას. თუ შენ ამ პასუხისმგებლობას გაექცევი და იტყვი, რომ პოლიტიკა არგაინტერესებს, იტყვი რომ პოლიტიკა ბინძურია, იტყვი რომ არცერთი პოლიტიკოსი არ მოგწონს, იტყვი, რომ ეს შენი საქმე არაა, იცოდეთ რომ აი ამ მომენტში, თქვენ, კარგავთ თქვენ თავისუფლებასდა გარდა ამისა, თქვენ უკარგავთ თავისუფლებას თქვენს თანამოქალაქეებს", - აღნიშნა საქართველოს პრეზიდენტმა.

გიორგი მარგველაშვილის განცხადებით, ხშირად პოლიტიკოსების მიმართ საზოგადოებაში  აპათიაა და სვამენ კითხვას, რომ როცა არცერთი პოლიტიკოსი არ მოსწონთ რატომ უნდა წავიდნენარჩევნებზე.

„არჩევნები ფაქტია. არჩევნები შედგება და თითოეული ხმა, რომელიც არ იქნება დაფიქსირებული ამა თუ იმ პოლიტიკოსის მიმართ, ფიქსირდება თავისუფლების წინააღმდეგ, ფიქსირდება იმპოლიტიკური ჯგუფების კონტექსტში, რომლებსაც აწყობთ, რომ ამომრჩეველი იყოს აპათიური", - განაცხადა გიორგი მარგველაშვილმა.

საქართველოს პრეზიდენტის განცხადებით, წელს ჩვენი ქვეყანა დამოუკიდებლობის 25 წლისთავს აღნიშნავს. საქართველომ მოიპოვა დამოუკიდებლობა და დღეს მთელი საზოგადოების მიზანსა დაამოცანას თავისუფლებისაკენ სწრაფვა წარმოადგენს.

„თავისუფლება მდგომარეობს იმაში, რომ შენი აზრის გვერდით, სხვისი აზრის არსებობის მნიშვნელობა აღიარო.

სამწუხაროდ, როდესაც ვაჯამებთ დამოუკიდებლობის 25 წელს, ჩვენ ვხედავთ ძალიან დიდ დაპირისპირებას.

ჩვენ ვხედავთ პოლიტიკოსებს, პოლიტიკოსთა ჯგუფებს, პარტიებს რომლებსაც მიაჩნდათ, რომ მეორე მხარე საერთოდ უნდა გაექროთ და არ უნდა არსებულიყო, რათა მარტო ისინი ყოფილიყვნენერთადერთი სიმართლის და ჭეშმარიტების მატარებელი პოლიტიკური ძალა.

არამარტო პარტიებში, საზოგადოებრივ დისკუსიებშიც ასე იყო, მაგრამ საზოგადოების ძალას ხედავ იმაში, რომ შენ აი იმ მეორე მხარეს გააერთიანებ შენთან, რაღაც კომპრომისზე წახვალთ ორივენიდა ქვეყანას არ შეარყევთ ისე როგორც არაერთხელ შეგვირყევია. აი, ეს არის საზოგადოება", - აღნიშნა საქართველოს პრეზიდენტმა.

გიორგი მარგველაშვილის განცხადებით, სწორედ თავისუფლებისაკენ სწრაფვის კონტექსტში განიხილება საპარლამენტო არჩევნები და თავისუფალი საზოგადოების მშენებლობა.

პრეზიდენტმა საჯარო ლექციის შემდეგ სტუდენტების შეკითხვებსაც უპასუხა, რომლებიც საქართველო - რუსეთის ურთიერთობებს, ოკუპირებულ ტერიტორიებს, ევროინტეგრაციას, ეკონომიკურ რეფორმებს და ქვეყანაში მიმდინარე პროცესებს ეხებოდა.