ბათუმში ეზოების მოასფალტება 20 აგვისტომდე დასრულდება

ბათუმში ეზოების კეთილმოწყობა გრძელდება. ბათუმის მერიის ინფორმაციით, ამ დროისთვის ასფალტის დაგების სამუშაოები მუსხელიშვილის ქუჩაზე მიმდინარეობს.
ხელშეკრულება აღნიშნულ სამუშაოებზე 23 მაისს გაფორმდა, რომლის ფარგლებშიც გათვალისწინებულია ეზოებში ასფალტის საფარისა და ბორდიურების მოწყობა. ხელშეკრულების ფარგლებში 36 ეზოს კეთილმოწყობაა დაგეგმილი, რომელთანგან 5-ში უკვე დაიგო ასფალტის საფარი. საერთო ჯამში ასფალტი 29 470 კვმ-ზე დაიგება, ხოლო ბორდიურების ჯამური სიგრძე 2 425 გრძივ მეტრს შეადგენს.
ეზოების მოასფალტება 20 აგვისტომდე უნდა დასრულდეს. სამუშაოების ღირებულება 981 ათას 840 ლარს შეადგენს.