ლეონარდო დი კაპრიო Volkswagen-ის სკანდალის შესახებ ფილმს გადაიღებს

ჰოლივუდის მსახიობი ლეონარდო დი კაპრიო გერმანული ავტოკონცერნის Volkswagen-ის ირგვლივ მომხდარი ”დიზელის სკანდალის” შესახებ ფილმს გადაიღებს. როგორც The Hollywood Reporter-ი იუწყება, კინოსტუდია Paramount-მა და მსახიობის კუთვნილმა საპროდიუსერო კომპანია Appian Way-მ უკვე მოიპოვა აღნიშნული მოვლენებისადმი მიძღვნილი ჯეკ ევინგის წიგნის ეკრანიზაციის უფლება.

ავტოკონცერნი სკანდალის ცენტრში სექტემბერში აღმოჩნდა. როგორც ცნობილია, 2009-2015 წლებში გამოშვებული დიზელის ძრავიანი ავტომობილები აღჭურვილი იყო ფარული პროგრამით, რომელიც მავნე ნივთიერებების გამონაბოლქვის რაოდენობას ამცირებდა.

სკანდალთან დაკავშირებით თანამდებობიდან გადადგა ავტოკონცერნის ხელმძღვანელი მარტინ ვინტერკორნი.

დი კაპრიოს მომავალ ფილმთან დაკავშირებული სხვა დეტალები ჯერჯერობით უცნობია.