აჭარის ხალხური ცეკვის სახელმწიფო ანსამბლმა „ხორუმმა“ სამხრეთ კორეაში ფოლკლორის მსოფლიო ჩემპიონატში გამარჯვება მოიპოვა.
ანსამბლი„ ხორუმი“ გახდა ფესტივალის გრანპრის მფლობელი. ანსამბლს გადაეცა მთავარი პრიზი და ფულადი ჯილდო.
დღეს, აჭარის ა.რ. განათლების კულტურისა და სპორტის სამინისტროში, ანსამბლის წევრებს მინისტრის მოადგილე ნათია სირაბიძე შეხვდა და გამარჯვება მიულოცა.
სამხრეთ კორეის ფოლკლორის მსოფლიო ფესტივალი შეტანილია მსოფლიოს 10 საუკეთესო ფესტივალს შორის. კონკურსში მონაწილეობისათვის შეირჩა ქორეოგრაფიული ანსამბლები მსოფლიოს 35 ქვეყნიდან. კონკურსში მონაწილეობდა სხვადასხვა ქვეყნის 185 ქორეოგრაფიულ კოლექტივი. საკონკურსო პროგრამა შედგებოდა ნახევარ-ფინალისა და ფინალისაგან, რომელშიც მონაწილეობა მიიღო 10-მა საუკეთესო კოლექტივმა.
ასევე, ანსამბლის წევრებმა კონცერტები გამართეს კორეის 7 ქალაქში. აჭარის ა.რ. განათლების, კულტურის და სპორტის სამინისტრომ ანსამბლ „ხორუმის“ გასტროლი დააფინანსა 13 500 ლარით