შორენა ბეგაშვილმა მოდის ბიზნესში გადაინაცვლა - თბილისში „შორენას“ სამოსი გაიყიდება
ბევრი იფიქრა თუ ცოტა, მსახიობმა შორენა ბეგაშვილმა გადაწყვიტა, რომ თავის საქმიანობის პარალელურად სხვა საქმითაც დაკავდეს. ქართველი ლამაზმანი მოდის ბიზნესში აქტიურად ჩაერთო და როგორც კულუარებში ამბობენ, საკუთარი მაღაზიების გახსნასაც გეგმავსო.
მსახიობმა და ტელეწამყვანმა საკუთარი სამოსის ხაზის წარმოება დაიწყო. „შორენა“ _ ასე ერქმევა მსახიობის მიერ შექმნილ სამოსს, რომელიც გაყიდვაში სულ რამდენიმე დღეში ჩაეშვება. კოლექცია შემოდგომა-ზამთრის იქნება და შეიძლება ითქვას, რომ ქართველ დიზაინერებს სერიოზულ კონკურენციას გაუწევს.
