მოსკოვის ყოფილი მერი იური ლუჟკოვი მეუღლესთან, ელენა ბატურინასთან და მეგობრებთან ერთად თბილისში იმყოფება. ,,რუსთავი 2“ -ის ინფორმაციით, ისინი არამეულ ენაზე ჩატარებულ წირვას დაესწრნენ. დაათვალიერეს უფლისციხეც. ვრცელდება ინფორმაცია, რომ იური ლუჟკოვი და ელენა ბატურინა საპატრიარქოს სტუმრობდნენ.

აღნიშნულ ინფორმაციასთან დაკავშირებით გამოთქმულ მოსაზრებებს არქიმანდრიტი სერაფიმე facebook-ზე ეხმიანება

,,ხალხნო მაინტერესებს ამ ლუჟკოვის ჩვენთან წირვის დასწრებაზე ამხელა აჟიოტაჟი რომ ატყდა. და თურმე ის ყოფილა ოკუპანტი. პირველ რიგში მე გეკითხებით თქვენ ამ კაცს მე გავეცი ვიზა? მე მივანიჭე მას საპატიო მოქალოქობა თბილისის და ბათუმის?და თუ შემოუშვეს ჩვენს ქვეყანაში? და ადამიანი მოვიდა წირვის დასასწრებათ, მეთქვა წადი თქო აქედან? ეკლესიის კარი ღიაა ყველასთვის პოლიტიკოსი იქნება თუ გლეხი. მაგრამ რაც მთავარია ეკლესიაში და მის მდებარე ტერეტორიაზე პოლიტიკაზე არავის არ მივცემ უფლებას რომ ილაპარაკოს. მაგრამ გაგდებით არც არავის გავაგდებ. და ჩემს აზრს ყოველთვის ხმამაღლა ვიტყვი გინდ მტერი მოვიდეს და გინდ მეგობარი. ეს არის ჩემი კერძო აზრი ამიტომ თუ რომელიმე თქვენთაგანი დავბრკოლე შენდობას გთხოვთ! პატივისცემით არქიმანდრიტი სერაფიმე”, - წერს არქიმანდრიტი.