ოსი სეპარატისტები დონეცკსა და ლუგანსკში ე.წ. საელჩოებს ხსნიან
ოსი სეპარატისტები დონეცკისა და ლუგანსკის არაღიარებულ რესპუბლიკებში ე.წ. საელჩოებს ხსნიან. ამის შესახებ სამხრეთ ოსეთის დეფაქტო ლიდერმა ანატოლი ბიბილოვმა განაცხადა. მისივე თქმით, საელჩოსთვის შენობა დონეცკის სეპარატისტულ რეგიონში უკვე გამოიყო. უახლოეს ხანებში კი შენობა სამხრეთ ოსეთის საელჩოსთვის ლუგანსკშიც გამოიძებნება. ბიბილოვის თქმით, დონეცკის დეფაქტო რესპუბლიკის საელჩოსთვის შენობა შეირჩევა ცხინვალშიც.
