ხელისუფლებას რუსი დეპუტატების საქართველოში დაპატიჟებასთან კავშირი არ აქვს, - ამის შესახებ ევროინტეგრაციის მინისტრმა, ვიქტორ დოლიძემ შესაბამის კითხვაზე საპასუხოდ განაცხადა. მისი თქმით, ,,პატრიოტთა ალიანსის“ წევრებმა თვითონ გადაწყვიტეს, ჩაბრძანებულიყვნენ მოსკოვში და თვითონ დაპატიჟეს რუსი დეპუტატები საქართველოში.

„არის ოკუპაციის შესახებ კანონი, არის ძალიან რთული, არასასურველი ვითარება, თუმცა ეს ქართულმა მხარემ არ განაპირობა, ეს აგრესორმა ​და ოკუპანტმა განაპირობა, ამიტომ თუკი ნებისმიერი შეთანხმება იქნება ეს, ვიზიტი თუ სხვა, იგი უნდა დაეფუძნოს მომზადებას, შედეგს, მომავალს, მაგრამ, სამწუხაროდ, ამგვარ შესაძლო შედეგს ვერ ვხედავ“, - განაცხადა ვიქტორ დოლიძემ.