ბავშვთა სამყაროს ხანძრისას დაზარალებული ჯული ელიავა, პროკურატურასთან მიმდინარე აქციაზე შეუძლოდ გახდა.

ის უკვე მეორე დღეა შიმშილობს.

ადგილზე გამოიძახეს სასწრაფო დახმარების ბრიგადა, თუმცა მოშიმშილემ ექიმების დახმარებაზე უარი განაცხადა, ის საავადმყოფოში არ გადაუყვანიათ.

აქციის მონაწილეების თქმით, ქალბატონს შიმშილობის გამო საერთო სისუსტე აქვს და მან წნევის მედიკამენტები უკვე მიიღო. 

მიუხედავად მომხდარისა, ჯული ელიავა შიმშილობის აქციას აგრძელებს. 

შეგახსენებთ, რომ ბავშვთა სამყაროს ხანძრის შედეგად დაზარალებულები პროკურატურასთან მჯდომარე აქციას მართავენ.

დაზარალებულები პროკურატურისგან გამოძიების შედეგების პასუხს და მთავრობისგან კომპენსაციის მიღებას ითხოვენ.