საქართველოს გაერთიანებული პროფკავშირების თავმჯდომარეობის ერთ-ერთი კანდიდატი დათო ოქიტაშვილი იქნება.

,,ჩემთვის ამ შემოთავაზებაზე გადაწყვეტილების მიღება იყო ძალიან რთული, მაგრამ შევდივარ ამ ბრძოლაში და გარწმუნებთ, რომ პეტრიაშვილს დავამარცხებ არჩევნების გზით და არა იმ მეთოდით, როგორც თავად მოვიდა თავმჯდომარედ'', - აცხადებს ოქიტაშვილი.

ოქიტაშვილი პეტრიაშვილს წარსულს ახსენებს და თანასწორ ბრძოლაში გამარჯვებას უსურვებს.

,,ახლა რომ გამოდის და რაღაც განცხადებებს აკეთებს, იმის მართული, ამის მართული, სირცხვილია, გაიხსენოს თავისი წარსული. ჩვენ არ ვაპირებთ იმ მეთოდებით ბრძოლას, რა მეთოდითაც ის გახდა პროფკავშირების თავმჯდომარე 12 წლის წინ. ვიცი, რომ კიდევ არიან მსურველები და ყველა კანდიდატს და პეტრიაშვილსაც თანასწორ ბრძოლაში გამარჯვებას ვუსურვებ", - აღნიშნა ოქიტაშვილმა.

არჩევნები სექტემბერში ჩატარდება. ყრილობა 15-16 სექტემბერს არის დაგეგმილი. ოქიტაშვილის ინფორმაციით, თავმჯდომარეობა კვლავ სურს ირაკლი პეტრიაშვილს.