ის პოზიტიური მესიჯები, რომელიც მოვისმინეთ, არის ძალიან იმედის მომცემი, - ამის შესახებ საქართველოს პრემიერ-მინისტრმა ირაკლი ღარიბაშვილმა ევროკავშირის უმაღლესი წარმომადგენლის, ფედერიკა მოგერინის განცხადებების შეფასებისას განაცხადა.

"მინდა კიდევ ერთხელ აღვნიშნო ქალბატონი მოგერინის ვიზიტის მნიშველობა. ეს არის მისი პირველი ვიზიტი საქართველოსა და მთელ რეგიონში. ასევე მინდა ვთქვა, რომ ისპოზიტიური მესიჯები, რომელიც მოვისმინეთ, არის ძალიან იმედის მომცემი. უშუალოდ მისი ჩართულობა არის ძალიან მნიშვნელოვანი ჩვენი ქვეყნისთვის", - განაცხადა ღარიბაშვილმა.

საქართველოს პრემიერ–მინისტრმა მედიაში არსებულ ვითარებაზეც გააკეთა კომენტარი და აღნიშნა, რომ ის დრო, რაც იყო საქართველოში სამი წლის წინ, აღარასოდეს არდაბრუნდება.

„ჩვენი მთავრობა არის აბსოლუტურად ღია და კიდევ ერთხელ მინდა დაგიდასტუროთ, რომ ყოველთვის იქნება უზრუნველყოფილი საქართველოში მედია თავისუფლება და სიტყვის თავისუფლება. ჩვენი მთავრობა დაგიცავთ თქვენ ჟურნალისტებს და ყველას ვინც მხარს უჭერს მედია თავისუფლებას. მთავარი არის ის რომ პოლიტიკისგან იყოს თავისუფალი მედია. ჩვენ მთავრობა არცერთ მედიასაშუალებას არ აკონტროლებს. ჩვენ ვაგრძელებთ ევროკავშირთან რეფორმებს და პროგრესს ინტეგრაციისკენ. ის რაც მოვუტანეთ ჩვენს ქვეყანას ამმოკლე დროში, არავის არ შევაფერხებინებთ,“– განაცხადა საქართველოს პრემიერ–მინისტრმა