ამერიკის პრეზიდენტმა დონალდ ტრამპმა განაცხადა, რომ ნიუ-იორკის ტერაქტში ბრალდებული საიფულო საიპოვი სიკვდილით დასჯას იმსახურებს.

„ნიუ-იორკელი ტერორისტი გახარებული იყო, როდესაც საავადმყოფოს პალატაში „ისლამური სახელმწიფოს“ დროშის დაკიდება მოითხოვა. მან მოკლა რვა ადამიანი, დაჭრა 12. ის სიკვდილით უნდა დაისაჯოს!“- დაწერა თეთრი სახლის მეთაურმა თავის Twitter-ში.

 „გამოძიება აქტიურად გრძელდება. ვნახავთ, რა პუნქტებით წარედგინა მას საბოლოოდ ბრალდებები. შესაძლოა ზოგიერთი მათგანი სიკვდილით დასჯას დაექვემდებაროს, ზოგი კი სამუდამო პატიმრობას“, - აღნიშნა მან.

საიპოვს წარუდგინეს ბრალდება ტერორიზმში, მას სამუდამო ან სასიკვდილო განაჩენი ემუქრება.

დაზვერვის ფედერალურემა ბიურომ განაცხადა, რომ მან შეგნებულად აირჩია ჰელოუნის დღესასწაული ტერაქტის განსახორციელებლად, რადგან ამ დროს ქუჩაში ბევრი ხალხი იქნებოდა.

31 ოქტომბერს მანჰეტენზე სატვირთო ავტომობილი ველობილიკზე ველოსიპედისტებსა და სასკოლი ავტობუსს დაეჯახა.

პოლიციამ მძღოლი დააკავა. დაიღუპა რვა ადამიანი, ათზე მეტი დაიჭრა. ხელისუფლებამ  მომხდარს ტერაქტის კვალიფიკაცია მიანიჭა.