იაპონიაში სასიკვდილო განაჩენი გამოუტანეს ტისაკო კაკეჰის, მეტსახელად შავ ქვრივს. ქალი დამნაშავედ ქმრისა და ორი საყვარლის მკვლელობაში დამნაშავედ ცნეს. ის ასევე დამნაშავედ ცნეს მემკვიდრეობის მიღების მიზნით, ნაცნობის მკვლელობის მცდელობაში.

კიოტოს საოლქო სასამართლომ 70 წლის ქალს ჩამოხრჩობა მიუსაჯა, იმის მიუხედავად, რომ დაცვის მხარე ამტკიცებდა, რომ  ტისაკო გონებრივად ჩამორჩენილი იყო.

მოსამართლის განმარტებით, კაკეჰიმ მკვლელობები ფულის სიყვარულით ჩიადინა.

ბრალდებულმა განაჩენი აუღელვებლად მოისმინა. მანამდე ის ამბობდა, რომ ღიმილით მოკვდებოდა.

გამოძიების მონაცემებით, კაკეჰი  თავის მამაკაცებს ციანიდის ამპულების გადაყლაპვას აიძულებდა და მსხვერპლებს არწმუნებდა, რომ ეს კვებითი დანამატები იყო.

დაღუპულთა ორგანიზმში, ისევე როგორც კაკეჰის სახლში, დიდი რაოდენობით შხამი აღმოჩნდა.

ბოლო 20 წლის განმავლობაში ქალს ოთხი ქმარი ჰყავდა, და 10-ზე მეტ მამაკაცთან ჰქონდა სასიყვარულო ურთიერთობა, რომლებიც საეჭვო ვითარებაში გარდაიცვალნენ.

ბოლო ქმართან მან სულ რაღაც ერთი თვე გაატარა.

როგორც მემკვიდრემ თავისი ქმრებისგან მან 9 მლნ დოლარი მიიღო.