ამერიკელმა მსახიობმა ალეკ ბოლდუინმა, რომელიც კომედიურ შოუში დონალდ ტრამპის პაროდიას აკეთებს, განაცხადა, რომ მელანიას მოსწონს გადაცემა და მისი როლი.
„თქვენთვის სენსაციური სიახლე მაქვს. ვიღაცამ, ვინც მეგობრობს თეთრ სახლში ვიღაცასთან, ან მასთან, ვინც იყო თეთრ სახლში, მითხრა, რომ მელანია ტრამპს მოსწონს (შოუ)  SNL და ჩემი პაროდია“, - აღნიშნა მსახიობმა რადიოსადგურ WNYC-თან ინტერვიუში.

ბოლდუინის თქმით, აშშ-ის პრეზიდენტის მეუღლე თეთრ სახლში ერთ ადამიანს გამოუტყდა, რომ ტრამპი სწორედ ასეთია.

„უნდა ითქვას, რომ ტრამპი გაბრაზებულია იმის გამო, რომ მისი ცოლს მას სასაცილოდ მიიჩნევს“, - დასძინა მსახიობმა.

ბოლდუინი ტელეარხ NBC -ის გადაცემა Saturday Night Live-ის კომედიურ სკეტჩში ტრამპის როლს ასრულებს.

ამერიკელმა კინოკრიტიკოსებმა მსახიობი ამ როლისთვის Critics' Choice-ის პრემიით დააჯილდოვეს. ამავე როლისთვის ბოლდუინმა სექტემბერში პრესტიჟული „ემის“ პრემიაც მიიღო.

პრეზიდენტი გადაცემის მიმართ ნეგატიურ დამოკიდებულებას არ მალავს, რის შესახებაც რეგულარულად წერს Twitter-ში და ინტერვიუებშიც საუბრობს.