საფრანგეთში დაიწყო კანონპროექტის მომზადება, რომელიც სექსზე დათანხმების ნიშნულს 13 წლის ასაკზე დაადგენს.

ამ მომენტისთვის საფრანგეთში სექსზე თანხმობის ასაკი 15 წელს შეადგენს. ნიშნულის შესაძლო დაწევის შესახებ მას შემდეგ ალაპარაკდნენ, რაც ორი 28 წლის მამაკაცი, რომლებსაც 11 წლის გოგონებთან სექსუალური კავშირი ჰქონდათ, უდანაშაულოებად აღიარეს.  

კანონის თანახამდ, გაუპატიურების ბრალდება საფრანგეთში იმ შემთხვევაში წარედგინებათ, თუ პროკურორები დაამტკიცებენ, რომ ეს სქესობრივი აქტი ორმხრივი შეთანხმების გარეშე შედგა.

ახალი კანონით 13 წლამდე ასაკის პირთან სექსუალური კავშირი დანაშაულად ჩაითვლება.

ერთ-ერთი რეზონანსული საქმე, რომელმაც კანონმდებლები ცვლილების შესახებ დააფიქსირა, სექტემბერში მოხდა. მაშინ პროკურორებმა 28 წლის მამაკაცი 11 წლის გოგონას გაუპატიურებაში უდანაშაულოდ ცნეს, რადგან მიიჩნიეს, რომ გოგონა მასთან სქესობრივ კონტაქტზე თავისი სურვილით დათანხმდა.

გამოძიების ვერსიით, მამაკაცმა გოგონა სახლში შეიტყუა და დაპირდა რომ კოცნას ასწავლიდა. მაგრამ მასთან  სქესობრივი კავშირი დაამყარა.

ბავშვის ოჯახი და იურისტები მოითხოვდნენ მამაკაცი გაუპატიურებისთვის დამნაშავედ ეღიარებინათ. ისინი აცხადებდნენ, რომ გოგონა შიშისგან პარალიზებული იყო  და თავის დაცვა არ შეეძლო.

პროკურორებმა მამაკაცი სექსუალურ ძალადობაში დაადნაშაულეს და არა გაუპატიურებაში.