აშშ-ს საელჩომ ზიმბაბვეში სავიზო ოპერაციები შეაჩერა
აშშ-ს საელჩომ ზიმბაბვეში ყველა სახის სავიზო ოპერაცია შეაჩერა. მიზეზად ქვეყანაში არსებული არასტაბილური ვითარება დასახელდა.
საელჩოს მიერ გავრცელებულ განცხადებაში ასევე ნათქვამია, რომ ზიმბაბვეში განვითარებულ მოვლენებს ვაშინგტონი თვალს შეშფოთებით ადევნებს.
სამხედრო გადატრიალება ზიმბაბვეში გუშინ მოხდა. პრეზიდენტი მუგაბე ოჯახთან ერთად ამბოხებულებმა დააკავეს, რის შემდეგაც ქვეყანაში ყოფილი პრემიერი, მუგაბეს ოპონენტი მორგან ტსვანგირაი დაბრუნდა.
ამბოხებულები და ოპოზიცია გარდამავალი მთავრობის შესახებ აწარმოებენ მოლაპარაკებას.
