სტამბოლის პროკურატურამ აშშ-ის დაზვერვის ცენტრალური დაზვერვის ყოფილი ოფიცრის გრეჰემ ფულერის დაკავების სანქცია გასცა. ფულერს გასულ წელს მომხდარ გადატრიალების მცდელობასთან კავშირში ადანაშაულებენ.
გავრცელებული ინფორმაციით, ფულერი ეჭვმიტანილია ოპოზიციონერ ფეთჰულაჰ გიულენის ორგანიზაციასთან კავშირში.

ამბოხებულთა ჯგუფმა 2016 წლის 16 ივლისს თურქეთში სამხედრო გადატრიალება სცადა.

ძირითადი დაპირისპირება ანკარასა და სტამბოლში განვითარდა. დაიღუპა 240 მოქალაქე, 2 ათასზე მეტი კი დაიჭრა.

ამბოხის შემდეგ 50 ათასზე მეტი ადამიანი დააკავეს. სამსახურებიდან კი 140 ათასზე მეტი საჯარო მოხელე დაითხოვეს.

ხელისუფლებამ FETO სახელმწიფო გადატრიალების მცდელობაში დაადანაშაულა. თავად გიულენმა, რომელიც აშშ-ში იმყოფება, ამბოხი დაგმო და ბრალდება უარყო.