იერუსალიმში დამასკოს კარიბჭესთან პალესტინელ აქტივისტებსა და პოლიციელბს შორის შეტაკება მოხდა.

ისრაელის პოლიციამ დამასკოს კარიბჭესთან მისასვლელი გადაკეტა, სადაც ტრადიციულად ტარდება პალესტინელების საპროტესტო აქციები, მაგრამ აქციის მონაწილეებმა ზღუდის გარღვევა შეძლეს, რის შემდეგაც პოლიციასთან შეტაკება დაიწყო.

დამასკოს კარიბჭის გავლით ძველ იერუსალიმში ქალაქის არაბული კვარტლის მცხოვრებლები ალ-აქსის მეჩეთში სალოცავად დადიან. ლოცვის შემდეგ ამავე კარიბჭიდან გამოდიან და მიტინგებს იქვე მართავენ.

დღეს მოედანზე პოლიციელთა დიდი რაოდენობა იმყოფებოდა.  ამ მომენტისთვის ლოცვის დასრულების შემდეგ დამასკოს კარიბჭესთან მოედანზე პალესტინელებმა აქციის გამართვა დაიწყეს, სადაც სკანდირებენ ანტიისრაელურ ლოზუნგებსა და პოლიციელებს უპირისპირდებიან.

თავის მხრივ პოლიციელები მოედნიდან აქციის მონაწილეებს აძევებენ და შედარებით აქტიურებს აკავებენ. შეტაკების შედეგად დაშავებულია რამდენიმე ადამიანი, ისინი საავადმყოფოებში არიან გადაყვანილნი.

ამ მომენტისთვის უწესრიგობები გრძელდება. მასში რამდენიმე ათეული ადამიანი მონაწილეობს.