გამოკითხული ამერიკელების 54 პროცენტი კმაყოფილია, რომ მელანია ტრამპი ქვეყნის პირველი ლედია. ამის შესახებ New York Post-ი იუწყება.

ამასთან 33 პროცენტი აცხადებს, რომ ნეგატიურად არის განწყობილი მისი კანდიდატურის მიმართ, რესპოდენტთა 13-მა პროცენტმა კი შეკითხვას ვერ უპასუხა.

როგორც გამოცემა აღნიშნავს, 2017 წლის იანვრის ბოლოს, როდესაც დონალდ ტრამპი თეთრ სახლში ახალი გადასული იყო, მელანიას პოპულარობის რეიტინგი 37 პროცენტს აღწევდა.

Pew Research Center-ის ექსპერტების კვლევის თანახმად, თავად დონალდ ტრამპის რეიტინგი 32 პროცენტს აღწევს, რაც თებერვლის შემდეგ ყველაზე დაბალი მაჩვენებლია.

2009 წელს ბარაკ ობამას პირველი საპრეზიდენტო ვადის დასაწყისში მისი მეუღლის მიშელის საქმიანობა პირველი ლედის რანგში ამერიკელების 61 პროცენტს მოსწონდა.