მექსიკის ვერაკრუსის შტატში 35 წლის ჟურნალისტი გუმარო პერესი მოკლეს. ამის შესახებ Reuters-ი იუწყება.

შეიარაღებული მამაკაცი პერესის ქვსი წლის შვილის კლასში შევიდა და საახალწლო ზეიმის დროს ჟურნალისტს ოთხჯერ ესროლა.

ჟურნალისტების ასოციაცია მკველელობის გამოძიებას აპირებს. პერესი ქვეყანაში ნარკოტიკების უკანონო ბრუნვის შესახებ გამოძიებას ატარებდა.

ორგანიზაციის „რეპორტიორები საზღვრებს გარეშე“ ბოლო ანგარიშის თანახმად, მექსიკა ჟურნალისტებისთვის ყველაზე საშიშ ქვეყანად რჩება. 2000 წლიდან მოკლულია მედიასაშუალების 111 წარმომადგენელი, მათგან 38 მას შემდეგ დაიღუპა, რაც 2012 წელს ქვეყნის პრეზიდენტი ენრიკე პენია ნიეტო გახდა.

აპრილში მექსიკური გაზეთი El Norte ქვეყანაში ჟურნალისტების მკვლელობების გამო დაიხურა. გამოცემის მთავარმა რედაქტორმა განმარტა, რომ შექმნილ პირობებში პატიოსანი ჟურნალისტის მუშაობა საშიში გახდა, მკველელები კი დაუსჯელნი რჩებიან.