იტალიაში დააკავეს სასწრაფო დახმარების ექთანი, რომელიც დამკრძალავი ბიუროს დაკვეთით პაციენტების მკვლელობაშია ბრალდებული. ამის შესახებ პორტალი Quotidiano იუწყება.

გამოძიების ვერსიით, 42 წლის დევიდ გაროფალოს ინექციის დროს პაციენტების ორგანიზმში ჰაერი შეყავდა, რის შედეგადაც ისინი კვდებოდნენ. გარდაცვლილების ნათესავებს კი ის ურჩევდა კონკრეტული დამკრძალავი ბიუროს მომსახურებას, რომელიც სიცილიურ მაფიასთან იყო კავშირში. ყოველი მსხვერპლისთვის მამაკაცი 300 ევროს იღებდა.

აღნიშნულია, რომ ყველა მსხვერპლი განუკურნებელი სენით იყვნენ დაავადებულნი. ორი მათგანი ასაკოვანი იყო, ამიტომ მათი გარდაცვალების საქმე არ გამოუძიებიათ.

წინასწარი მონაცემებით, საუბარი ეხება არა ავთანაზიას, არამედ ანგარების მიზნით ჩადენილ მკვლელობებს. მამაკაცი სამ მკვლელობაში დაადანაშაულეს, თუმცა როგორც პროკურატურაში აღნიშნავენ, 2012-2016 წლებში მსგავსი ფორმით შესაძლოა 50 ადამიანი იყოს მოკლული. ასევე არ არის გამორიცხული, რომ გარაფალოს თანამზრახველებიც ყავდეს.