საშობაოდ კოპენჰაგენის ზოოპარკი, რომელიც სისასტიკით არის ცნობილი (მისმა თანამშრომლებმა 2014 წელს ჟირაფი მარიუსი ბავშვების თვალწინ დაანაწევრეს), მორიგი სასტიკი ინიციატივით გამოვიდა. მოქალაქეებს მოუწოდეს მტაცებლების გამოსაკვებად  „უმნიშვნელო“ სახლის ბინადრები  - კურდღლები,ზღვის გოჭები და ზაზუნები ჩააბარონ. ასეთივე ინიციატივით გამოვიდა გივსკუდის ზოოპარკიც.

ძაღლებსა და კატებს გაუმართლათ, რადგან ისინი ზოოპარკმა საკვებად გამოუსადეგარად მიიჩნია.

ზოოპარკის თანამშრომლების თქმით, არ არის საჭირო ცხოველებს ადამიანის თვისებები და ბედი მივაწეროთ, როგორც ეს დისნეის მულტფილმებშია.

მათი აზრით, კურდღლები და თაგვები სიბერეს სოროებში ხვდებიან, ან მანამდე მტაცებლები ჭამენ.

ამიტომ ზოოპარკის წარმომადგენელთა თქმით, უმჯობესია ცხოველებს კერძად შევთავაზოთ, ვიდრე სიკვდილის შემდეგ მათი კრემაცია მოვახდინოთ და დავკრძალოთ (ეს მხოლოდ ზოოპარკის წარმომადგენელთა აზრია, რაშიც „პრაიმნიუსჯორჯია“ არ ეთანხმება).

მსურველებს ასევე შეუძლიათ თვალი ადევნონ მათი სიცოცხლის ბოლო წუთებს. „შოუზე“ არ იკრძალება ბავშვების დასწრებაც.

კოპენჰაგენის ზოოპარკში მტაცებლებს გაყინული ხორცით კვებავენ, მაგრამ მათი მომვლელების თქმით, ცოცხალი, ცხელი სისხლით მჩქეფარე ცხოველები მათ მენიუში მრავალფეროვნებას შეიტანენ. მათივე თქმით, ზოოპარკში თვეში 5-6 კურდღელი მიყავთ, რაც საკმარისია არ არის.