უსაფრთხოებისა და კრიზისების მართვის საბჭოს ხელმძღვანელს მინდია ჯანელიძეს საკუთარი ხელფასის ოდენობა არ ახსოვს. მისი ანაზღაურების შესახებ ჯანელიძეს ჟურნალისტმა ჰკითხა. ჯანელიძემ აღნიშნა, რომ მისი ხელფასი დეკლარაციაშია მითითებული.

„ყოველთვიური ანაზღაურება მაქვს გამოქვეყნებული, შეგიძლიათ, ნახოთ ჩემს დეკლარაციაში. ზუსტად არ მახსოვს. ციფრებით არ მახსოვს, ეს არის გამოქვეყნებული ჩემს დეკლარაციაში“, - განაცხადა ჯანელიძემ

შეგახსენებთ, ინფორმაციით თავისუფლებიდ განვითარების ინსტიტუტის (IDFI) მიერ დამუშავებული ინფორმაციით, 2014 წლის განმავლობაში სახელმწიფო უსაფრთხოებისა და კრიზისების მართვის საბჭოს აპარატის თანამშრომელთა შრომის ანაზღაურებამ, სახელფასო დანამატის ჩათვლით, 400 ათას ლარზე მეტი შეადგინა. 2015 წლის იანვრიდან ივლისის ჩათვლით კი ეს თანხა დაახლოებით მილიონ 124 ათასი ლარია. ამ მონაცემებს უწყებიდან გამოთხოვილ დოკუმენტაციაზე დაყრდნობით IDFI აქვეყნებს.