საქართველოს ბანკის, საქართველოს წამყვანი ბანკის,  პარტნიორობითა და THE FINANCIAL ის ორგანიზებით საქართველოს საბანკო სფეროსა და ინოვაციის ფორუმი გაიმართა. ფორუმზე ძირითადი განხილვის თემა იყო საბანკო მომსახურების მომავალი, საბანკო სფეროს გამოწვევევი და შესაძლებლობები, ფიცრული ტექნოლოგიები.

ფორუმზე საქართველოს ბანკის გენერალურმა დირექტორმა, კახა კიკნაველიძემ დამსწრე საზოგადოებას წარუდგინა ბანკის ხედვა ტრადიციული და ციფრული საბანკო მოდელის და დაგროვილი ქონების/კაპიტალის მართვის შესახებ.

„დღვანდელი ფორუმი ძალიან მნიშვნელოვანია, რადგან ჩვენი მიზანია ვისაუბროთ  საბანკო სექტორის  გამოწვევებზე, მის მომავალზე, ძირითად ტენდენციებზე.  ვფიქრობ, ციფრული მიმართულება საბანკო მომსახურებაში არის მნიშვნელვანი, ამ ეტაპზე ქართული საბანკო სექტორი ნამდვილად არ ჩამორჩება განვითარებული ქვეყნების ციფრულ საბანკო მომსახურებას. ასევე, აღსანიშნავია, რომ საქართველოს აქვს ყველა  წინაპირობა, რეგიონში ფინანსური სერვისების ცენტრი გახდეს, საქართველოს ბანკი ამ მიმართულებით აქტიურად მუშაობს. ხაზი მინდა გავუსვა იმ ფაქტს, რომ საბანკო სექტორი განვითარებული და ინოვაციური სექტორია ჩვენს ქვეყანაში, რაც ხელს უწყობს ქვეყნის ეკონომიკის ზრდას “,- განაცხადა კახა კიკნაველიძემ.

ფორუმში ასევე იღებდნენ მონაწილეობას საფინანსო სექტორის,   ეროვნული ბანკის,  ბანკების ასოციაციის, საქართველოში მოქმედი ბანკების  წარმომადგენლები.