თბილისის მერმა დავით ნარმანიამ, კულტურის მინისტრ მიხეილ გიორგაძესთან,  „სოლიდარობის ფონდის“ დირექტორ მარიამ ჯაშთან და მუსიკოს ვახტანგ კახიძესთან   ერთად, „საქართველოს სოლიდარობის ფონდის“ მხარდასაჭერადდაგეგმილი საქველმოქმედო კონცერტის შესახებ პრესკონფერენცია გამართა.

ტრადიციული წინასაახალწლო საქველმოქმედო კონცერტი, თბილისის მერიისა და საქართველოს კულტურისა და ძეგლთა დაცვის სამინისტროს მხარდაჭერით, 25 დეკემბერს,ჯანსუღკახიძისსახელობისთბილისისმუსიკალურ ცენტრშიგაიმართება. კონცერტიდან შემოსული თანხა სრულად გადაირიცხება „სოლიდარობის ფონდში“ და მოხმარდება 22 წლამდე ასაკის ონკოლოგიური დაავადებების მქონე ახალგაზრდების მკურნალობას.

თბილისის მერის დავით ნარმანიას განცხადებით, თბილისის მერია სოლიდარობის ფონდის საქმიანობაში აქტიურადაა ჩართული და მხარს უჭერს ფონდს მეტი რესურსის მობილიზებაში, რათა მეტი სიცოცხლის გადარჩენა მოხერხდეს.

„კონცერტის ორგანიზებაში, ისევე როგორც სხვა ღონისძიებებში, აქტიურად ჩავერთეთ,  რათა ჩვენი წვრილი შევიტანოთ და რაც შეიძლება მეტი სიცოცხლე გადავარჩინოთ. მნიშვნელოვანია ის, რომ ჩვენთან ერთად თითოეული ადამიანი ჩაერთოს ვისაც შეუძლია,  რომ ერთის მხრივ გარკვეული თანხა გაიღოს და მეორეს მხრივ ისიამოვნოს იმ შესანიშნავი პროგრამით, რომელიც საორგანიზაციო ჯგუფის მიერ არის მომზადებული. დარწმუნებული ვარ, რომ ამით ერთის მხრივ წინასაახალწლო განწყობას შევიქმნით და ასევე ვიქნებით უფრო მეტად კმაყოფილები, რადგან  ჩვენს წვლილს შევიტანთ დამატებით ბავშვებისა და მოზარდების სიცოცხლის გადარჩენაში“,- განაცხადა დავით ნარმანიამ.

საქველმოქმედო კონცერტში მონაწილეობენ: თბილისის სიმფონიური ორკესტრი, საქართველოს სახელმწიფო საგუნდო კაპელა, სოლისტები ალექსანდრე ვასაძე (ორგანი), სალომე ჯიქია (სოპრანო), ნანა ძიძიგური (მეცო-სოპრანო), დირიჟორი - ვახტანგ კახიძე. საახალწლო კონცერტზე შესრულდება ბახის ნაწარმოებები.