ეს ვირუსი, ალბათ აუცილებელი იყო კაცობრიობისთვის უკვე ისე ვიყავით გადაგვარებულები, ეს თუ დაგვაფიქრებს, - ამის შესახებ ბოდბელმა ეპისკოპოსმა მეუფე იაკობმა კორონავირუსის პანდემიასთან დაკავშირებით საკვირაო ქადაგებისას განაცხადა.

"თქვენ წინაშე ქედს ვიხრით ჩვენო ექიმებო. თქვენი სახით მთლიანად საქართველოს და მსოფლიოს ექიმების მიმართ, მიუხედავად მრწამსისა. თქვენ ის გზა დაისახეთ, რომ ადამიანს ბოლომდე უნდა მიხედოთ და ქრისტიანებმა არ დავივიწყოთ ეს, ჩვენ უნდა მივხედოთ ადამიანებს, ექიმებს ნუ შევატოვებთ ყველას და ყველაფერს, ნუ დავკარგავთ ადამიანობას.

ვერაგია ეს ვირუსი, მაგრამ ალბათ აუცილებელი იყო კაცობრიობისთვის უკვე ისე ვიყავით გადაგვარებულები, ეს თუ დაგვაფიქრებს. სამწუხაროდ, ძლიერი ქვეყნები არავითარ სოლიდარობას არავისთან არ გამოხატავენ. ზოგი პირველი ხარისხის ქვეყნებია, ზოგი მეორე, მაგრამ ადამიანები ხარისხებად არ იყოფიან, არც ქვეყნები არ იყოფიან და ალბათ ყველას თანაბრად უნდა შეეძლოს იმ სიკეთის მიღება, რასაც მედიცინა გვაძლევს და საერთოდ მეცნიერება გვაძლევს", - თქვა მეუფემ იაკობმა.