მომავალი ორი კვირა გვექნება სიკვდილიანობის მაჩვენებლის ზრდა - ამირან გამყრელიძე
დღევანდელ ბრიფინგზე დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, თქვა, რომ ქვეყანაში სიკვდილიანობის მაჩვენებელი გაიზრდება.
"პირდაპირ გეუბნებით, მომავალი ორი კვირა გვექნება სიკვდილიანობის მაჩვენებლის ზრდა, იმიტომ, რომ ადამიანების საკმაოდ დიდი რაოდენობა არის კრიტიკულ მდგომარეობაში - 400-მდე პაციენტი არის ხელოვნურ ვენტილაციაზე... ყველაფერი კეთდება მათი სიცოცხლის გადასარჩენად, მაგრამ როგორც სტატისტიკიდან ხედავთ, ჩვენ გვაქვს, სამწუხაროდ, სიკვდილიანობის ზრდა, რომელიც მოსალოდნელი იყო", - თქვა გამყრელიძემ.
