რაც მეტი დედა დაუბრუნდება საპატიმროდან შვილებს, მით მეტად ჰუმანური იქნება ეს აქტი - ქეთევან დუმბაძე
„ქართული ოცნების“ წევრი, პარლამენტარი ქეთევან დუმბაძე „ამნისტიის შესახებ“ კანონპროექტის განხილვისას, ქალი მსჯავრდებულების შეწყალების საკითხის უფრო მეტი ყურადღების დათმობის ინიციატივით გამოდის.
„მიუხედავად იმისა, რომ მესმის და ვთვლი, რომ დანაშაულს სქესი არ აქვს და დამნაშავე დამნაშავეა, მაინც მინდა სოლიდარული ვიყო ქალი პატიმრების მიმართ და დაგისვათ შეკითხვა, რამდენად იქნება გათვალისწინებული მათ მიმართ ასეთი დამოკიდებულება. ვთვლი, რომ, რაც მეტი დედა დაუბრუნდება საპატიმროდან შვილებს, მით მეტად ჰუმანური იქნება ეს აქტი ჩვენგან“, - აღნიშნა პარლამენტის პლენარულ სხდომაზე ქეთევან დუმბაძემ.
