დიდი ბრიტანეთს პრინც ჰარისა და მის მეუღლეს, მეგან მარკლს ქალიშვილი შეეძინათ.

სასექსის ჰერცოგმა და ჰერცოგინიამ ახალშობილ გოგონას ლილიბეტ "ლილი" დიანა დაარქვეს.

ლილიბეტ "ლილი" დიანა მაუნტბატენ-უინძორი პარასკევს დილით, კალიფორნიის შტატის ქალაქ სანტა ბარბარაში დაიბადა.

გავრცელებული ინფორმაციით, დედა-შვილი ჯანმრთელად არიან, თავს კარგად გრძნობენ.

სასექსის ჰერცოგისა და ჰერცოგინიის მიერ გავრცელებულ განცხადებაში ნათქვამია, რომ ქალიშვილს ლილიბეტი, მისი დიდი ბებიის, დედოფალ ელისაბედ მეორის პატივსაცემად დაარქვეს, ხოლო დიანა, მისი გარდაცვლილი ბებიის, უელსის პრინც დიანას პატივსაცემად.

ლილიბეტ დიანა ელისაბედ მეორისთვის მე-11 შვილთაშვილია.

პრინც ჰარისა და მეგან მარკლს პირველი შვილი, არჩი ჰარისონ მაუნტბატენ-უინძორი 2019 წლის მაისში გაუჩნდათ.