ტოკიოს პარალიმპიურ თამაშებზე  საქართველოს ნაკრების  ეტლით მოფარიკავე ნინო თიბილაშვილმა ვერცხლის მედალი მოიპოვა.

ნინო თიბილაშვილს ფინალის საგზურისთვის ბრძოლაში რიოს პარალიმპიადის ბრინჯაოს პრიზიორი, მსოფლიოს ჩემპიონატების ცხრაგზის მედალისტი უკრაინელი ევგენია ბრიუსი დაუპირისპირდა. ქართველმა სპორტსმენმა ძლიერი და გამოცდილი მეტოქე ანგარიშით – 15:12 დაამარცხა.

ტოკიოს პარალიმპიური თამაშების ოქროს მედლისთვის ბრძოლაში ნინო თიბილაშვილი ჩინელ სპორტსმენს, ბიან ცზინს, რიოს პარალიმპიადის ვერცხლის მედალოსანს შეხვდა.

ნინო თიბილაშვილმა ფინალი ანგარიშით 7:15 დათმო, თუმცა, საქართველოს პარალიმპიურ ნაკრებს პირველი მედალი მოუტანა.