სააკაშვილი არ არის ბათუმში და ვიდეო არაა ჩაწერილი საქართველოში - კობახიძე
ქართული ოცნების თავმჯდომარე ირაკლი კობახიძე ამბობს, რომ მიხეილ სააკაშვილი საქართველოში არ არის და არც მისი ვიდეოა ბათუმში ჩაწერილი.
"სააკაშვილი საქართველოში არ არის. მეორე, ეს ადამიანი არის კლოუნი და კიდევ ერთხელ დადასტურდა მის მიერ. ნეტა ყოფილიყო საქართველოში, სრულიად საქართველო დაინახავდა როგორი კლოუნია.
მიხეილ სააკაშვილი არ არის ბათუმში და ვიდეო არაა ჩაწერილი საქართველოში",- აცხადებს კობახიძე.
მიხეილ სააკაშვილმა სოციალურ ქსელში დაწერა, რომ უკვე საქართველოშია, შემდეგ კი ბათუმიდან ვიდეომიმართვაც გამოაქვეყნა.
