ამერიკელი სენატორი, სენატის საგარეო საქმეთა კომიტეტის ევროპის საკითხთა ქვეკომიტეტის თავჯმდომარე, ჯინ შაჰინი ადგილობრივი თვითმმართველობის არჩევნებს ეხმაურება.

"ამერიკის ხმის" შეკითხვის საპასუხოდ, სენატორი შაჰინი აცხადებს, რომ ქართველი ხალხი იმსახურებს თავისუფალ და სამართლიან არჩევნებს.

"მაშინ, როცა მე შვება მომგვარა იმან, რომ არჩევნების დღემ ძირითადად მშვიდობიანად ჩაიარა და არჩევნები ტექნიკურად კარგად ადმინისტრირებული იყო, საქართველოს მთავრობა ვერ გადაფარავს მნიშვნელოვან შეშფოთებას საარჩევნო დარღვევების, დაშინების, ხმების მოსყიდვისა და კანდიდატებზე ზეწოლის გარშემო.

ქართველი ხალხი იმსახურებს თავისუფალ და სამართლიან არჩევნებს, რათა ჰქონდეთ მათი ლიდერების და მომავლის არჩევის საშუალება და მე ნათლად ვთქვი, რომ საარჩევნო პროცესი მხოლოდ არჩევნების დღე არაა. შეერთებული შტატების და საქართველოს ურთიერთობა მოითხოვს, რომ საქართველომ დაიცვას მისი დემოკრატიული პრინციპები. მე გავაგრძელებ მოწოდებას ქართველი კანონმდებლების მიმართ, რომ მათ ეს პრინციპები შეასრულონ. თუ ეს ასე არ იქნება, ამას ჩვენს ორმხრივ ურთიერთობაზე ცუდი გავლენა ექნება, რაც არავის ინტერესებში არ შედის", - აცხადებს სენატორი ჯინ შაჰინი.