უკრაინის საგარეო საქმეთა მინისტრმა დმიტრო კულებამ განაცხადა, რომ კიევი შეარჩევს საუკეთესო ალგორითმს საქართველოს მესამე პრეზიდენტის მიხეილ სააკაშვილის უკრაინაში დასაბრუნებლად. მისი თქმით, ეს შესაძლოა, არ იყოს მხოლოდ ექსტრადიცია.  

„ჩვენ სისტემატური კავშირის გვაქვს მიხეილ სააკაშვილთან, ადვოკატები მასთან შედიან, კონსულს გააჩნია შეუფერხებელი წვდომა, უკვე შედგა რამდენიმე საუბარი მასთან, რა დროსაც გავარკვიეთ მისი პოზიცია. ჩვენთვის ცნობილია ადვოკატების პოზიციის შესახებ. ამჟამად ვსწავლობთ ამ საქმის სამართლებრივ ასპექტებს და შევარჩევთ საუკეთესო ალგორითმს, რომელსაც ამ შემთხვევაში გამოვიყენებთ“, - თქვა კულებამ ბრიფინგზე.

ამასთან, მან აღნიშნა, რომ მას შემდეგ, რაც კიევი დაადგენს რა გზით შეძლებს უკრაინაში სააკაშვილის დაბრუნებას, საგარეო საქმეთა სამინისტრო ამის შესახებ გაავრცელებს ინფორმაციას.

„კიდევ ერთხელ ვუსვამ ხაზს, რომ მიხეილ სააკაშვილი ჩვენი ქვეყნის მოქალაქეა, ჩვენ კი ჩვენს მოქალაქეებს საზღვარგარეთ გასაჭირში არ მივატოვებთ. ამიტომ როდესაც მივიღებთ გადაწყვეტილებას იმის შესახებ თუ რა გზით წავალთ და ეს შესაძლოა არ იყოს მხოლოდ ექსტრადიცია, გაცნობებთ“, - განუცხადა კულებამ ჟურნალისტებს.