ევროკავშირის საბჭომ დაამტკიცა სანქციები რუსული კერძო სამხედრო კომპანია „ვაგნერის“ წინააღმდეგ. ამის შესახებ ბრიუსელში გადაწყვეტილება ევროკავირის ქვეყნების საგარეო საქმეთა მინისტრებმა სხდომაზე მიიღეს.

როგორც ევროკავშირის საბჭოს პრესსამსახური იუწყება, სანქცირებულთა სიაში მოხვდა თავად ჯგუფი „ვაგნერი“, ასევე მასთან დაკავშირებული რვა ფიზიკური პირი და სამი კომპანია.

„ჯგუფი „ვაგნერი“ კრებდა, წვრთნიდა და აგზავნიდა კერძო სამხედრო თანამშრომლებს კონფლიქტის ზონებში მთელი მსოფლიოს მასშტაბით, რათა დაეთესა ძალადობა, გაეძარცვა ბუნებრივი რესურსები და დაეშინებინა სამოქალაქო პირები“, - აღნიშნულია ინფორმაციაში. იმ ქვეყნებს შორის, სადაც რუსული სამხედრო კომპანია დესტაბილიზაციას ეწეოდა, დასახელებულია უკრაინა (დონბასი). ლიბია, სირია და ცენტრალური აფრიკის რესპუბლიკა. ახალი შეზღუდვები დაწესდა სხვადასხვა სანქციათა რეჟიმების ფარგლებში, რომლებიც ეხება უკრიანის ტერიტორიული მთლიანობისა და სუვერენიტეტისთვის ძირის გამოთხრას, სიტუაციას ლიბიაში, სირიაში, ასევე ადამიანის უფლებების უხეშ დარღვევებს.

კეძოდ, უკრაინაში ჩადენილი ქმედებებისთვის სანქციებს დაექვემდებარნენ “ვაგნერის“ დამფუძნებელი, ასევე დაქირავებული მეომრები და მეთაურები.

სანქციები მოიცავს ევროკავშირის ტერიტორიაზე ყველა სანქცირებული პირის აქტივების გაყინვას. ევროპულ კომპანიებსა და პირებს ეკრძალებათ გადასცენ რესუსრები მათ, ვინც სიაშია. ამის გარდა, ფიზიკურ პირებს აკრძალული აქვთ ევროკავშირის ქვეყნების დატოვება. სანქციები ძალაში გამოქვეყნებისთანავე შევიდა.