საფრანგეთის საგარეო საქმეთა მინისტრმა ჟან-ივ ლე დრიანმა განაცხადა, რომ რუსეთი ცდილობს აშშ-სთან პირდაპირი მოლაპარაკებების გამართვით ევროკავშირი უკრაინის ირგვლივ შექმნილი სიტუაციის განხილვას ჩამოაშოროს. „ვლადიმირ პუტინს სურს ევროკავშირის გვერდის ავლას, მას სურს დაასუსტოს ვეროკავშირის ქვეყნების ერთიანი პოზიცია. მაგრამ ევროპის უსაფრთხოება ევროპელების გარეშე წარმოუდგენელია“, - განაცხადა ლე დრიანმა ტელერახ BFM TV-ის ეთერში.

მინისტრის განცხადებით, უკრაინაში რუსეთის შესაძლო სამხედრო მოქმედებები ნებისმიერ შემთხვევაში გამოიწვევს სერიოზულ სტრატეგიულ შედეგებს, მისი თქმით, მათ შორის ერთ-ერთი ასეთი შედეგი, შესაძლოა, იყოს „ჩრდილოეთ ნაკადი 2“-ის გაზსადენის პროექტზე შეთანხმების გადახედვა. ლე დრიანმა აღნიშნა, რომ პუტინის  გარანტიების მიუხედავად, რომ რუსეთი უკრაინის საზღვრიდან ჯარს გაიყვანს, პარიზი ამის რეალურ სურათს ვერ ხედავს.

რუსეთისა და ამერიკის წარმომადგენლებს შორის უსაფრთხოების საკითხებზე მოლაპრაკებები ჟენევაში 10 იანვარს დაიწყება. შეხვედრის ერთ-ერთი მთავარი თემა უკრაინის საკითხი იქნება.

2021 წლის გაზაფხულზე რუსეთმა ანექსირებულ ყირიმსა და უკრაინის საზღვართან 100 ათასზე მეტი სამხედრო გადაისროლა. დასავლეთი შიშობს, რომ მოსკოვი უკრაინაზე თადასხმას გეგმავს.