ლატვიაში რუსეთის სამხედრო დაზვერვასთან მრავალწლიანი თანამშრომლობის ბრალდებით ორი ადამიანი დააკავეს. მათ ბრალად ედებათ რუსული სპეცსამსახურებისთვის ლატვიის თავდაცვის უწყების შესახებ საიდუმლო ინფორმაციების გადაცემა. ინფორმაციას ლატვიური მედია უსაფრთხოების სამსახურზე დაყრდნობით ავრცელებს. დაკავებულების ვინაობა არ სახელდება.

უსაფრთხოების სამსახური ფლობს ინფორმაციას რუსეთის ტერიტორიაზე დაკავებულებისა და რუსეთის სამხედრო დაზვერვის თანამშრომლების შეხვედრების შესახებ.

ამასთან, ერთ-ერთი დაკავებული იყენებდა პროფესიულ კონტაქტებს ლატვიის არმიის სამხედრო შესაძლებლობების, პროცედურების, გეგმებისა და წვრთნების, ასევე იარაღის შეძენისა და ქვეყნის ტერიტორიაზე ნატო-ს კონტიგენტის გაფართოების შესახებ რუსული სპეცსმასახურებისთვის ინფორმაციების გადასაცემად. მეორე დაკავებული კი ეჭვმიტანილია რუსეთის სამხედრი დაზვერვასთან ხანგრძლივი თანამშრიმლობის ფარგლებში ინფორმაციების გადაცემაში, რომელც რუსულ სმახედრო ინტერსებს ემსახურებოდა.