დიდი ბრიტანეთის დედოფალი ელისაბედ მეორე ტახტზე ასვლის „პლატინის“ 70 წლის იუბილეს აღნიშნავს.

დედოფალმა 5 თებერვალს ნორფილკის საგრაფოში, სანდრინგემ-ჰაუსში ადგილობრივი საზოგადოების წარმომადგენლებისთვის მიღება გამართა. შეხვედრის შემდეგ დედოფალმა გაჭრა ტორტი, რომელიც სპეციალურად ადგილობრივებმა  ამ დღის აღსანიშნავად მოამზადეს.

მისმა უმაღლესობამ მიიღო შროშანებისა და სხვა ყვავილებისგან დამზადებული თაიგულიც.

პრინცესა ელისაბედი ტახტზე 1952 წლის 6 თებერვალს - მამის. მეფე ჯორჯ მეექვსის გარდაცვალების დღეს ავიდა. ელისაბედ მეორე, რომელსაც 2022 წელს 96 წელი უსრულდება, პირველი მონარქია, რომელიც ტახტზე ასვლის „პლატინის“ იუბილეს აღნიშნავს.

იმის გამო, რომ დიდ ბრიტანეთში თებერვალი ძალიან ცივი თვეა, იუბილის აღნიშნვა ზაფხულისთვის არის გადატანილი.

მთელი წლის განმავლობაში ქვეყანაში გაიმართება სხვადასხვა ღონისძიება, რომლის კულმინაციაც სადღესასწაულო უქმეები - 2-5 ივლისი იქნება.