ვირჯინიის სასამართლოში ნაფიცმა მსაჯულებმა მსახიობი ემბერ ჰერდი დამნაშავედ ცნეს ყოფილი ქმრის ჯონი დეპის წინააღმდეგ ცილისწამებასა და მსახიობის სახელისა და პატივის შებღალავში და დეპისთვის 15 მლნ დოლარის კომპენსაციის გადახდა დააკისრეს.

სასამართლო პროცესს ჯონი დეპი არ ესწრებოდა, რადგან ის ლნდონში იმყოფება.

ჰერდისა და დეპის სასამრთლო პროცესი 11 აპრილს დაიწყო.

58 წლის დეპმა 36 წლის ჰერდის წინააღმდეგ სასამართლოში შეიტანა სარჩელი სტატიის გამო, რომელიც ჰერდის სახელით გამოქვეყნდა The Washington Post-ში 2018 წლის დეკემბერში. აღნიშნულ სტატიაში ემბერ ჰერდი გადატანილი ოჯახური ძალადობის შესახებ საუბრობდა.

დეპი ჰერდისგან 50 მლნ დოლარის მოცულობის კომპენსაცია მოითხოვდა. ამის საპასუხოდ, სასამართლოში სარჩელი ჰერდმაც შეიტანა, მსახიობის ადვოკატი ცილისწამებაში დაადანაშაულა და და დეპისგან 100 მლნ დოლარის გადახდა მოითხოვა.

სასამართლო პროცესის დროს წყვილის ერთობლივი ცხოვრების არასასიამოვნო დეტალები გახდა ცნობილი.

ჰერდის ადვოკატები დეპის მხრიდან ძალადობის შემთხვევებზე საუბრობდნენ. მსახიობი თავის მხრივ უარყოფდა მსგავს შემთხვევებს და აცხადებდა, რომ მსხვერპლი თავად იყო. დეპის თქმით, ერთ-ერთი კამათის დროს ემბერმა მას ბოთლი ესროლა, რის შედეგადაც მას თითი დაუზიანდა. ჰერდი კი ყოფილი ქმრის ნარკოტიკებთან დაკავშირებულ პრობლემებზე საუბრობდა.

დეპისა და ჰერდის ურთიერთობა 2011 წელს დაიწყო, 2015 წელს ისინი დქორწინდნენ, მაგრამ 2015 წლს მაისში ერთმანეთს დაშორდნენ.